हिमालयनमाथि फ्रेन्ड्सको आधा दर्जन गोल  

काठमाडौं । सहिद स्मारक 'ए' डिभिजन लिग फुटबलमा फ्रेन्ड्स क्लबले फराकिलो जित निकालेको छ ।

सातदोबाटोस्थित एन्फा कम्प्लेक्समा सोमबार हिमालयन शेर्पा क्लबलाई ६-० गोल अन्तरले हराएको हो ।

फ्रेन्ड्सको जितमा राफिक अमिनुले दुई गोल गरे । अमित तामाङ, उत्तम राई, टोरिक जेब्रिन र  अखरबेक उक्तामोभले एक एक गोल गरे ।

खेलको तेस्रो मिनेटमा राफिकले गोल गर्दै फ्रेन्ड्सलाई सुरुआती अग्रता दिलाएका थिए ।

३२ औं मिनेटमा उक्तामोभले गोल गर्दै फ्रेन्ड्सको अग्रता दोब्बर बनाए ।

खेलको ३८ औं मिनेटमा राफिकले व्यक्तिगत दोस्रो गोल गर्दा फ्रेन्ड्स ३-० ले अघि रह्यो ।

खेलको ५८ औं मिनेटमा अमितले पेनाल्टीमार्फत गोल गर्दै टोलीको अग्रता ४-० को बनाए ।

खेलको ७२ औं मिनेटमा उत्तमले गोल गर्दै फ्रेन्ड्सलाई ५-० को अग्रता दिलाए ।

त्यसपछि खेलको इन्जुरी समयमा जेब्रिनले गोल गर्दै फ्रेन्ड्सलाई ६-० को जित दिलाए ।

फ्रेन्ड्सको यो दोस्रो जित हो । फ्रेन्ड्सले ८ अंक जोडेको छ ।

फ्रेन्ड्स १२ औं स्थानमा उक्लिएको छ ।

चौंथो हार व्यहोरेको हिमालयनले ९ अंक जोडेको छ । हिमालयन ११ औं स्थानमा रहेको छ ।