थ्री स्टारको जितमा मार्टिन्स निर्णायक  

काठमाडौं । थ्री स्टार क्लबले सहिद स्मारक 'ए' डिभिजन लिग फुटबलमा चौंथो जित निकालेको छ ।

एन्फा कम्प्लेक्समा बिहीबार नेपाल पुलिस क्लबलाई १-० गोल अन्तरले हराउँदै थ्री स्टारले चौंथो जित निकालेको हो ।

थ्री स्टारको जितमा अजयी मार्टिन्सले निर्णायक गोल गरे ।

मार्टिन्सले ६५ औं मिनेटमा अशोक खवासको पासमा गोल गरे ।

जितसँगै थ्री स्टारले ८ खेलमा १४ अंक जोडेको छ ।

थ्री स्टार पाँचौं स्थानमा उक्लिएको छ ।

पुछारमा रहेको पुलिसको यो छैटौं हार हो ।

पुलिस ४ अंक जोडेर १३ औं स्थानमा छ।