संकटाले एनआरटीलाई हरायो

काठमाडौं । सहिद स्मारक 'ए' डिभिजन लिग फुटबलमा संकटा क्लबले न्युरोड टिम एनआरटीलाई हराएको छ ।

त्रिपुरेश्वरस्थित दशरथ रंगशालामा बुधबार संकटाले एनआरटीलाई २-१ गोल अन्तरले हराएको हो ।

खेलको २२ औं मिनेटमा जुनियर एनकेनगुएले गोल गर्दै संकटालाई सुरुआती अग्रता दिलाएका थिए ।

खेलको ३७ औं मिनेटमा मनिष डाँगीले गोल गर्दै संकटालाई २-० को अग्रता दिलाए ।

त्यसपछि खेलको ६२ औं मिनेटमा एनआरटीका निकोलस सेर्जी सङले गोल गरेपनि संकटा २-१ ले विजयी भयो ।

संकटाको यो तेस्रो जित हो । संकटाले ८ खेलमा १२ अंक जोडेको छ ।

संकटा सातौं स्थानमा उक्लिएको छ ।

एनआरटीले ८ खेलमा ६ अंक जोडेको छ ।

चौंथो हार व्यहोरेको एनआरटी ११ औं स्थानमा रहेको छ ।