काठमाडौं । नेपालमा आयोजना हुने सेन्ट्रल एसियन भलिबल एसोसिएसन (काभा) महिला भलिबल च्यालेन्ज कपमा नेपाल समूह 'ए' मा परेको छ ।
नेपाल भलिबल संघले मंगलबार प्रतियोगितामा नेपाल समूह 'ए' मा परेको जनाएको छ ।
नेपालको समूहमा भारत, बंगलादेश र किर्गिस्तान रहेको छ ।
समूह 'बी' मा उज्वेकिस्तान, काजकिस्तान, श्रीलंका र माल्दिभ्स रहेको छ ।
प्रतियोगिता आगामी जेठ ६ देखि १५ गतेसम्म हुँदैछ ।
त्रिपुरेश्वरस्थिति राखेपको कर्भड हलमा आयोजना हुने प्रतियोगितामा दक्षिण एसिया तथा सेन्ट्रल एसियाका ८ राष्ट्रको सहभागीता रहने छ ।
प्रतियोगिताका लागि नेपालले महिला टिमको प्रशिक्षण सुरु गरिसकेको छ ।
मुख्य प्रशिक्षक जान जोसे डी ब्रान्टको नेतृत्वमा नेपालले तयारी गरिरहेको छ ।
-1732671005.webp)
