काठमाडौं । सहिद स्मारक 'ए' डिभिजन लिग फुटबलको साविक विजेता मछिन्द्र फुटबल क्लबले किशोर कुमार केसीलाई मुख्य प्रशिक्षक नियुक्त गरेको छ ।
मछिन्द्रले सामाजिक संजालबाट आइतबार केसीलाई मुख्य प्रशिक्षक नियुक्त गरिएको जनाएको छ ।
मुख्य प्रशिक्षक प्रवेश कटुवाल राष्ट्रिय टिमको सहायक प्रशिक्षक नियुक्त भएपछि मछिन्द्रले केसीलाई मुख्य प्रशिक्षक नियुक्त गरेको हो ।
अघिल्लो सिजन केसीले जावलाखेलको टिम सम्हालेका थिए ।
मछिन्द्र जारी लिगमा ६ अंक जोडेर ११ औं स्थानमा रहेको छ ।
