काठमाडौं सहिद स्मारक 'ए' डिभिजन लिग फुटबलमा न्युरोड टिम एनआरटी र चर्च ब्वाइज युनाईटेडले बराबरी खेल्दै अंक बाडेका छन् ।
च्यासल मैदानमा मंगलबार एनआरटी र चर्च ब्वाइजले २-२ गोलको बराबरी खेलेका हुन् ।
प्रतिस्पर्धात्मक खेलमा चर्च ब्वाइजले दुई गोलको अग्रता बनाएको थियो । तर, त्यसलाई जोगाउन सकेन ।
खेलको २० औं मिनेटमा आशिष चौधरीले गोल गर्दा चर्च ब्वाइजले सुरुआती अग्रता बनाएको थियो ।
६२ औं मिनेटमा कप्तान अनन्त तामाङले गोल गर्दै चर्च ब्वाइजलाई २-० को अग्रता दिलाए ।
तर, खेलको ७१ औं मिनेटमा रोहन खड्कीले गोल गर्दै एनआरटीलाई २-१ को स्थितिमा ल्याए ।
त्यसपछि खेलको इन्जुरी समयमा सरोज तामाङले गोल गर्दै एनआरटीलाई २-२ गोलको बराबरीमा ल्याएका थिए ।
यस बराबरीसँगै एनआरटीले ६ खेलमा ३ अंक जोडेको छ ।
एनआरटी १३ औं स्थानमा रहेको छ ।
चर्च ब्वाइजले ६ खेलमा १२ अंक जोडेको छ ।
चर्च ब्वाइज दोस्रो स्थानमा उक्लिएको छ ।
