काठमाडौं । जावलाखेल युथ क्लब सहिद स्मारक 'ए' डिभिजन लिग फुटबलको शीर्ष स्थानमा उक्लिएको छ ।
मंगलबार भएको खेल रोयल ब्लु सातदोबाटो युथ क्लबलाई २-१ गोल अन्तरले हराउँदै जावलाखेल शीर्ष स्थान उक्लिएको हो ।
एन्फा कम्प्लेक्समा जावलाखेलको जितमा फोडे फोफाना र एनकोटो मोसाबीले एक एक गोल गरे ।
सातदोबाटोका दीपक सिंह ठकुरीले एक गोल फर्काए ।
खेलको ४३ औं मिनेटमा फोफानाले पेनाल्टीमार्फत गोल गर्दै जावलाखेललाई अग्रता दिलाएका थिए ।
५० औं मिनेटमा मोसाबीले गोल गर्दा जावलाखेल २-० ले अघि रह्यो ।
त्यसपछि खेलको ७५ औं मिनेटमा सातदोबाटोका दीपकले एक गोल फर्काएपनि जावलाखेल २-१ ले विजयी भयो ।
जावलाखेलको यो चौंथो जित हो । सातदोबाटोको यो दोस्रो हार हो ।
जितसँगै जावलाखेलले ६ खेलमा १३ अंक जोडेको छ ।
सातदोबाटो ६ खेलमा १२ अंक जोडेर तेस्रो स्थानमा झरेको छ ।
