'ए' डिभिजन लिग : १३ औं चरणसम्मको खेल तालिका सार्वजनिक

काठमाडौं । सहिद स्मारक 'ए' डिभिजन लिग फुटबलको छैटौं देखि १३ औं चरणसम्मको खेल तालिका सार्वजनिक भएको छ ।

अखिल नेपाल फुटबल संघ (एन्फा) ले बिहीबार छैटौं देखि १३ औं चरणसम्मको खेल तालिका सार्वजनिक गरेको हो ।

छैटौं चरणका खेलहरु चैत २० गतेबाट सुरु हुनेछ । छैटौं चरणको पहिलो खेलमा संकटा क्लब र एफसी खुमलटार भिड्ने छन् । त्यहि दिन एपीएफ क्लब र नेपाल पुलिस क्लबबीच समेत प्रतिस्पर्धा हुनेछ ।

पाँचौं चरणसम्मको खेल सकिदा लिगका ३५ खेलहरु सकिएको छ । पाँचौं चरणसम्म रोयल ब्लु सातदोबाटो युथ क्लबले शीर्ष स्थानमा रहेको छ ।

सातदोबाटोले ५ खेलमा १२ अंक जोडेको छ । दोस्रो स्थानमा रहेको मनाङ मर्स्याङ्दी क्लबले ११ अंक जोडेको छ ।  नवप्रवेशी क्लब चर्च ब्वाइज युनाईटेड ११ अंक जोडेर तेस्रो स्थानमा रहेको छ ।

१० अंक जोडेको जावलाखेल युथ क्लब चौंथो र ८ अंक जोडेको त्रिभुवन आर्मी क्लब पाँचौं स्थानमा रहेको छ ।

पाँचौं चरणको खेल सकिदासम्म मनाङ र चर्च ब्वाइज अपराजित रहेको छ । पाँचौं चरणमा आएर नेपाल पुलिस क्लबले पहिलो एक अंक जोडेको छ । पुलिस अंक तालिकाको पुछारमा रहेको छ ।

खेल तालिका -