काठमाडौं । थ्री स्टार क्लबले नयाँ सिजनको सहिद स्मारक 'ए' डिभिजन लिग फुटबलमा दोस्रो जित निकालेको छ ।
त्रिपुरेश्वरस्थित दसरथ रंगशालामा रोयल ब्लु सातदोबाटो युथ क्लबलाई १-० गोल अन्तरले हराउँदै थ्री स्टारले दोस्रो जित निकालेको हो ।
थ्री स्टारको जितमा आदित्य शाक्यले निर्णायक गोल गरे ।
खेलको ८९ औं मिनेटमा अनिल महर्जनको कर्नरमा आदित्यले उत्कृष्ट गोल गरे ।
सातदोबाटोको यो पहिलो हार हो ।
सातदोबाटो ४ खेलमा ९ अंक जोडेर दोस्रो स्थानमा रहेको छ ।
थ्री स्टारले ४ खेलमा ७ अंक जोडेको छ ।
