कोल्हवी भलिबलको सेमिफाईनल समीकरण पूरा

निजगढ । बारामा जारि कोल्हवी भलिबल कप प्रतियोगिताको सेमिफाईनल समीकरण पूरा भएको छ । शनिबार लिग चरणका खेलहरु सम्पन्न भएसंगै प्रतियोगिताको सेमिफाईनल समीकरण पूरा भएको हो ।

कोल्हवी बजारस्थित भलिबल ट्रेनिङ सेन्टरमा सम्पन्न लिग चरणका खेलहरु पश्चात विभागीय टोलि नेपाल पुलिस क्लब,नेपाल एपीएफ क्लब,मधेश प्रदेश र पाथिभरा भलिबल ट्रेनिङ सेन्टर झापा प्रतियोगिताको सेमिफाईनलमा प्रवेश गरेका हुन ।

लिग चरणमा दुई उपाधि दाबेदार विभागीय टोलीहरु पुलिस र एपीएफले सतप्रतिसत जित निकाल्यो । एपीएफले मधेश प्रदेश र मकवानपुर जिल्ला भलिबल संघलाई पराजित गर्यो भने पुलिसले आयोजक जनशक्ति युवा क्लब र पाथिभरा भलिबल ट्रेनिङ सेन्टरलाई पराजित गर्न सफल भयो ।

त्यसैगरी मधेश प्रदेशले मकवानपुर जिल्ला भलिबल संघलाई पराजित गर्दै सेमिफाईनलमा प्रवेश गर्न सफल भयो भने पाथिभरा भलिबल ट्रेनिङ सेन्टर खापाले आयोजक जनशक्ति युवा क्लबलाई पराजित गर्दै सेमिफाईनल प्रवेश गर्यो ।

अब सेमिफाईनलमा पाथिभरा भलिबल ट्रेनिङ सेन्टर झापाले एपीएफको सामना गर्नेछ भने मधेश प्रदेशले पुलिसको सामना गर्नेछ ।