काठमाडौं । नयाँ सिजनको सहिद स्मारक 'ए' डिभिजन लिग फुटबलमा साविक विजेता मछिन्द्र फुटबल क्लबले लगातार दोस्रो हार व्यहोरेको छ ।
च्यासल मैदानमा बिहीबार त्रिभुवन आर्मी क्लबसँग २-० ले पराजित हुँदै मछिन्द्रले लगातार दोस्रो हार व्यहोरेको हो ।
आर्मीलाई जित दिलाउन दिपक गुरुङ र नवयुग श्रेष्ठले एक एक गोल गरे ।
तर, आर्मीले जितका लागि दुबै गोल दोस्रो हाफमा गरेको थियो ।
खेलको ४८ औं मिनेटमा दिपकले हेडरमार्फत गोल गर्दै आर्मीलाई सुरुआती अग्रता दिलाएका थिए ।
त्यसपछि खेलको ५९ औं मिनेटमा नवयुगले पेनाल्टीमार्फत गोल गर्दै आर्मीलाई २-० को जित दिलाए ।
जितसँगै आर्मीले २ खेलमा ४ अंक जोडेको छ । आर्मी चौंथो स्थानमा उक्लिएको छ ।
आर्मीले पहिलो खेलमा संकटा क्लबसँग बराबरी खेलेको थियो ।
मछिन्द्रको यो लगातार दोस्रो हार हो । मछिन्द्रलाई पहिलो खेलमा जावलाखेलले हराएको थियो ।
मछिन्द्रले २ खेलमा अंक जोड्न सकेको छैन । मछिन्द्र पुछारमा रहेको छ ।
1711199972.jpeg)
