काठमाडौं । सातदोबाटो युथ क्लबले सहिद स्मारक 'ए' डिभिजन लिग फुटबल प्रतियोगितामा लगातार दोस्रो जित निकालेको छ ।
च्यासल मैदानमा बुधबार विभागीय टोली एपीएफ क्लबलाई १-० गोल अन्तरले हराउँदै सातदोबाटोले लगातार दोस्रो जित निकालेको हो ।
सातदोबाटोको जितमा विलियम एसिडुले निर्णायक गोल गरे । तर, सातदोबाटोले जित निकाल्न दोस्रो हाफसम्म कुर्नु परेको थियो ।
खेलको ५५ औं मिनेटमा विलियमले गोल गरेका थिए ।
यस जितसँगै सातदोबाटोले २ खेलमा ६ अंक जोडेको छ । सातदोबाटोले पहिलो खेलमा एनआरटीलाई हराएको थियो।
एपीएफको यो पहिलो हार हो । पहिलो खेलमा एपीएफले थ्री स्टारलाई हराएको थियो ।
1711199972.jpeg)
