रोड रेस चैत ४ मा

काठमाडौं । रन क्लब नेपालको आयोजनामा चौथो मदन भण्डारी स्मृति ठमेल रोड रेस चैत ४ गते हुने भएको छ । प्रतियोगितामा विभिन्न ४ विधामा प्रतिस्पर्धा हुने आयोजक क्लबका अध्यक्ष सन्तोष श्रेष्ठले जनाएका छन् ।

पुरुष÷महिला खुला तथा स्कुलतर्फ छात्र÷छात्राको ५ किलोमिटर दूरीमा दौड हुनेछ । खुलामा शीर्ष तीन स्थान हात पार्नेले क्रमशः २५ हजार, १२ हजार र ८ हजार नगद पुरस्कार पाउने छन् । स्कुलतर्फ पहिलो हुनेले १० हजार, दोश्रोले ५ हजार र तेश्रोले ३ हजार नगद पुरस्कार हात पार्ने छन् ।

स्वदेशी तथा विदेशी गरी करिब १ हजार ५ सय प्रतिस्पर्धीको सहभागिता रहने अध्यक्ष श्रेष्ठले जानकारी गराए । दौड ठमेलस्थित छायाँ सेन्टरको प्राङ्गणबाट सुरु भइ विभिन्न भागको परिक्रमा गरी पुनः छायाँ सेन्टरमै आएर टुंगिने छ ।