काठमाडौं । एनआईसी एसिया बैंक सहिद स्मारक ए डिभिजन लिगको बैंकिङ पार्टनरको रुपमा जोडिएको छ ।
लिगको मार्केटिङको अधिकार पाएको एमडीएसी स्पोर्टसले एनआईसी एसिया बैंकलाई बैंकिङ पार्टनरको रुपमा जोडेको हो ।
एनआईसी एसियासँग सम्झौता गरेपनि रकमको विषयमा एमडीएडी स्पोर्टसले खुलाएको छैन ।
यस वर्षको ए, बी र सी डिभिजन लिगको मार्केटिङ, ब्रोडकास्टिङ र टिकेटिङको अधिकार एमडीएसी स्पोर्टसले दुई करोडमा खरिद गरेको थियो ।
भोलि फागुन १९ गतेदेखि सुरु हुने ए डिभिजन लिगमा दशरथ रंगशाला, च्यासल मैदान र एन्फा कम्प्लेक्स सातदोबाटो गरि ३ वटा रंगशालामा हुनेछन् । जम्मा १ सय ८२ खेलबाट लिग विजेता टोलीको टुङ्गो लाग्नेछ ।
टिकटको मूल्य सामान्य पारापिटतर्फको १०० र भीआईपी पारापिटतर्फ ३०० रुपैयाँ तोकिएको छ । टिकट अनलाईनमा इसेवाबाट लिन सकिनेछ ।
-1732762953.jpg)
