काठमाडौं । सीसीआरसी १० औं बर्नहार्ट कप प्लस टु अन्तरकलेज बास्केटबल प्रतियोगिताको ब्वाइजमा मंगलबार क्वाटरफाइनलमा प्रवेश गरेको छ ।
बल्खुस्थित आयोजक बर्नहार्टको कोर्टमा भएको प्रतिस्पर्धामा सीसीआरसीले जेभियर्स इन्टरनेसनल कलेजलाई ५४–३० ले पराजित गर्यो । सीसीआरसीका समिप खत्रीले २७ स्कोर गरे ।
ब्वाइजमै टाइम्सले गोल्डेनगेटलाई ४५–२२ तथा एलआरआईले बर्नहार्ट ‘ए’ लाई ४२–४० ले हराए । गर्ल्समा गोल्डेनगेटले आईएमएसलाई २९–१७ ले पाखा लगायो ।
