काठमाडौं । क्लोज प्रोटेक्सन जुडोका मिलनकुमार रावत र प्यारा जुडो डोजोका विकास विष्टले दोश्रो क्लोज प्रोटेक्सन जुडो प्रतियोगितामा स्वर्ण जितेका छन् ।
अत्ति विशिष्ट सुरक्षा निर्देशनालयद्वारा आयोजित प्रतियोगिताको पुरुष ६० केजीमुनि मिलनले नेपाली सेनाका लक्ष्मण राई तथा ७३ केजीमुनि विकासले सेनाका भीष्म बराललाई फाइनलमा पराजित गरे ।
नेपाल जुडो संघको प्राविधिक सहयोगमा भएको प्रतियोगिताको पुरुष ६६ केजीमुनि सेनाका किरण भट्टराईले क्लोज प्रोटेक्सनका धीरेन्द्र थारु तथा ७३ केजीमाथि सेनाका राजेश मगरले सेनाकै राजेश गोलेलाई फाइनलमा हराउदै स्वर्ण जिते ।
नारायणहिटी संग्राहलय हातामा भएको प्रतियोगिताको महिला ५२ केजीमुनि सेनाकी रोशना डंगालले क्लोज प्रोटेक्सनकी गंगामाया तामाङ तथा ५७ केजीमुनि सिमाकुमारी चिढीले क्लोज प्रोटेक्सनकी विमला आलेलाई फाइनलमा पाखा लगाउदै पहिलो स्थान हात पारे ।
एकदिने प्रतियोगिताको पुरुषमा ४ तथा महिलामा २ गरी ६ स्पर्धामा ५८ खेलाडीले सहभागिता जनाएको नेपाल जुडो संघका महासचिव धर्मकुमार श्रेष्ठले जनाएका छन् ।
-1732413260.jpg)
