थाइल्याण्डमा नेपाललाई तीन रजत पदक

काठमाडौं ।  नेपालका तीन जना खेलाडीले थाइल्याण्डमा आयोजना भएको मोइ थाई फेस्टिभल अन्तर्गत 'थाइल्याण्ड कप' रजत पदक जितेका छन् ।

डब्लुबीसी मोइ थाई नेपालले प्रतियोगितामा नेपालका तीन खेलाडीले रजत पदक जितेको जनाएको छ ।

नेपालका गेन्जी राई, लाल बहादुर तामाङ र  डिग विजय सिंह राठोरले रजत पदक जितेका हुन्  ।

प्रतियोगिता फेब्रुअरी १ देखि ६ सम्म आयोजना भएको थियो ।

नेपाली टोलीको अफिसियलमा राजु राई र पुरण रोकाया रहेका थिए ।

प्रतियोगितामा २४ राष्ट्रका खेलाडीले प्रतिस्पर्धा गरेका थिए ।