काठमाडौं । बागमती प्रदेशकी सन्तोषी श्रेष्ठले गोल्डेन एथलेटिक्स मिट अन्तर्गत ५ हजार मिटर महिला दौडमा स्वर्ण पदक जितेकी छिन् ।
त्रिपुरेश्वरस्थित दशरथ रंगशालामा सोमबार नेपाल पुलिस क्लबकी राममाया बुढालाई पछि पार्दै सन्तोषीले स्वर्ण जितेकी हुन् ।
सन्तोषीले निर्धारित दुरी १७ मिनेट ०७.९ सेकेन्डमा पूरा गर्दै स्वर्ण जितेकी हुन् ।
सन्तोषीले गण्डकी प्रदेशमा आयोजना भएको नवौं राष्ट्रिय खेलकुदमा समेत स्वर्ण जितेकी थिइन् ।
रजत जितेकी बुढाले १८ मिनेट ४४.३ सेकेन्डमा दौड पूरा गरिन् ।
पुलिस क्लबकै रेखा विष्टले १८ मिनेट ४५७ सेकेन्डको समय निकाल्दै कास्य पदक जितिन् ।
