प्रधानसेनापति म्याराथन माघ अन्तिम साता

काठमाडौं । प्रधानसेनापति खुला म्याराथन प्रतियोगिता माघको अन्तिम साता आयोजना हुने भएको छ ।

नेपाली सेनाले बिहीबार पत्रकार सम्मेलनको आयोजना गर्दै प्रतियोगिता माघ २८ गते नेपाली सैनिक शारीरिक तालिम तथा खेलकुद केन्द्रमा हुने जनाएको छ ।

महाशिवरात्री र आफ्नो सेना दिवसको अवसरमा म्याराथन प्रतियोगिता आयोजना गर्न लागिएको सेनाले जनाएको छ ।

प्रतियोगितामा खुला म्याराथन भने पुरुषतर्फ मात्रै हुनेछ । हाफ म्याराथनमा महिला र पुरुष दुबै विधा समावेश गरिएको छ।

यस्तै प्रतियोगितामा १० किलोमिटर र ५ किलोमिटर दौड पनि समावेश गरिएको छ ।

म्याराथनको विजेताले ३ लाख नगद पुरस्कार पाउने छ । यस्तै दोस्रो हुनेले दुई लाख, तेस्रो हुनेले एक लाख, चौथो हुनेले ५० हजार गर्दै दशौं स्थानसम्म हासिल गर्नेले क्रमसः नगद पुरस्कार पाउने छन् ।