काठमाडौं । बेलायती नम्बर एक महिला खेलाडी ईमा राडुकानु अष्ट्रेलियन ओपनको दोस्रो चरणबाट बाहिरिएकी छिन् ।
मेलबर्नमा बुधबार भएको खेलमा अमेरिकी खेलाडी कोको गाउफसँग पराजित हुँदै राडुकानु बाहिरिएकी हुन् ।
सातौं वरीयताकी कोकोले ७७ औं वरीयताकी राडुकानुलाई ६-३,७-६(७-४) ले हराएकी हुन् ।
२० वर्षीया राडुकानु एन्कल चोटबाट पीडित रहदै आएकी छिन् ।
सन् २०२१ मा युएस ओपन जितेपछि राडुकानुले ग्रान्डस्लामको तेस्रो चरणमा स्थान बनाउन सकेकी छैनन् ।
