काठमाडौं । भारतको वेस्ट बंगाल दार्जीलिङमा आयोजना हुने पहिलो दक्षिण एसिया ओपन शिदोकान अन्तराष्ट्रिय च्याम्पियनसिपमा नेपालका दुई खेलाडीले प्रतिस्पर्धा गर्ने भएका छन् ।
नेपाल क्योकुसिन कराते संघ आइ के एका बिजय राई र अनमोल माझीले प्रतियोगितामा सहभागिता जनाउने छन् ।
प्रतियोगितामा सहभागिता जनाउन दुई खेलाडीसहित ५ सदस्सीय नेपाली टोली मंगलबार भारत प्रस्थान गरेका छन् ।
प्रतियोगिता डिसेम्बर २६ देखि जनवरी १ सम्म हुनेछ ।
नेपाली टोलीको प्रतिनिधित्व गर्दै संघका अध्यक्ष टीका श्रेष्ठ थिङ, प्रशिक्षकमा आइ के ए सचिव समेत रहेका मनिस कार्की र ब्यबस्थापकमा संघका वरिष्ठ सल्लाहकार भिमसेन आचार्य भारत जाने टोलीमा छन् ।
भारत जाने नेपाली टोलीलाई नेपाल क्योकुशिन कराते आइ के ए का ब्रान्च चिफ शिहान प्रेम बहादुर लामा, वरिष्ठ उपाध्यक्ष लाल बहादुर चन्द, महासचिव राज कुमार श्रेष्ठ, कोषाध्यक्ष रेबती श्रेष्ठ, सह-कोषाध्यक्ष भुवन बहादुर तामाङले बिदाइ गरे ।
