बंगलादेशमा नेपालका विश्वरामलाई रजत

काठमाडौं । बंगलादेशमा जारी ५ औं आमन्त्रित बीकेएसपी कप एथलेटिक्स च्याम्पियनसिपमा नेपालका विश्वराम कुँवरले रजत पदक जितेका छन् ।

ढाकामा बुधबार १५ सय मिटर दौडमा ४ मिनेट ३०.१५ सेकेण्डको समय निकाल्दै विश्वरामले रजत पदक जितेका हुन् ।

यस अघि मंगलबार नेपालकी सीमा श्रेष्ठले कास्य पदक जितेकी थिइन् ।

महिला हाइजम्पमा सीमाले १.३२ मिटर उचाई जम्प गर्दै कास्य पदक जितेका हुन् ।

प्रतियोगितामा नेपालका ७ जना यू-१७ खेलाडीले सहभागिता जनाएका छन् ।

प्रतियोगितामा नेपालका ४ पुरुष र ३ महिला खेलाडीले सहभागिता जनाएको  एथलेटिक्स परिवार नेपालले जनाएको छ ।