काठमाडौं । सामाजिक कार्यमा समेत सक्रिय सहिद स्मारक 'बी' डिभिजन क्लब सातदोबाटो युथ क्लबले शनिबार रक्तदान कार्यक्रमको आयोजना गरेको छ ।
क्लबले विश्व एड्स दिवसको अवसर पारेर रक्तदान कार्यकम आयोजना गरेको जनाएको छ । कार्यक्रममा ५४ जनाले रक्तदान गरेको क्लबले जनाएको छ । यस्तै क्लबले दन्त शिविर तथा निशुल्क औषधि वितरण गरेको समेत जनाएको छ ।
ललितपुरको सातदोबाटोमा अवस्थित क्लब पछिल्लो समय फुटबल, क्रिकेट र ब्याडमिन्टन खेलमा सक्रिय रहेको छ ।
सातदोबाटो क्लब आगामी माघमा हुने 'बी' डिभिजन लिगको समेत तयारीमा रहेको छ ।
