जापानलाई कोस्टारिकाले हरायो

काठमाडौं । कतारमा जारी फिफा विश्वकप फुटबलमा कोस्टारिकाले जापानलाई हराएको छ ।

अहमेद बिन अलि स्टेडियममा आइतबार भएको खेलमा कोस्टारिकाले जापानलाई १-० गोल अन्तरले हराएको हो ।

कोस्टारिकाको जितमा केयशेर फुलेरले निर्णायक गोल गरे ।  उनले खेलको ८१ औं मिनेटमा गोल गरेका हुन् ।

कोस्टारिकाको यो पहिलो जित हो । जितसँगै कोस्टारिकाले नकआउट चरणमा पुग्ने सम्भावना जिवितै राखेको छ ।

पहिलो खेलमा कोस्टारिका स्पेनसँग पराजित भएको थियो ।

कोस्टारिका २ खेलमा ३ अंक जोडेर समूह 'ई' को तेस्रो स्थानमा रहेको छ ।

जापानको यो पहिलो हार हो । जापानले पहिलो खेलमा जर्मनीलाई हराएको थियो ।

जापान २ खेलमा ३ अंक जोडेर दोस्रो स्थानमा रहेको छ ।