काठमाडौं । नेपाल सितोरियो कराते डो संघ, स्वच्छन्द्र भैरव शाखा डोजोको आयोजनामा प्रथम स्वच्छन्द्र भैरव नगरस्तरीय खुला कराते प्रतियोगिता शनिबार हुने भएको छ ।
प्रतियोगितामा पुरुषतर्फ १० र महिलामा ८ गरी १८ स्पर्धामा प्रतिस्पर्धा हुने आयोजक डोजोका प्रमुख प्रशिक्षक समेत रहेका प्रतियोगिता संयोजक रोशन बलामीले जनाएका छन् ।
प्रतियोगितामा करिब ३ सय ५० खेलाडीको सहभागिता रहने प्रतियोगिता सह–संयोजक सम्राट बलामीले जानकारी गराए ।
एकदिने प्रतियोगिताका खेलहरु मकवानपुरको चित्लाङमा हुनेछ ।
