पार्की दाजुभाईलाई एकै दिन स्वर्ण

पोखरा । नवौं राष्ट्रिय खेलकुद अन्तर्गत एथलेटिक्समा बिहीबार एपीएफ क्लबमा आबद्द दाजुभाईले स्वर्ण पदक जितेका छन् ।

एपीएफका गोपीचन्द्र पार्कीले पुरुष ५ हजार मिटर दौडमा स्वर्ण जिते । लगत्तै  २०० मिटर दौडमा एपीएफमै आबद्द गोपीका भाई शिवराज पार्कीले स्वर्ण स्वर्ण पदक जिते । 

एकै दिन स्वर्ण जितेपछि दाजुभाई खुशी देखिए । शिव दाइको सफलतामा र गोपी भाईको सफलतामा खुशी देखिए ।

‘एकै दिन दाजु र म स्वर्णविजेता हुँदा खुशी लागेको छ । मलाई मेरो सफलताले भन्दा पनि दाइको सफलताले बढी खुशी दिएको छ,’ शिवले भने, ‘मेरो तर्फबाट यस्ता स्वर्ण र किर्तिमान आगामी दिनमा अझै आउने छ।’  

नवौं राष्ट्रियमा गोपीको पहिलो स्वर्ण थियो । शिवको भने तीन स्पर्धामा स्वर्ण जितेका थिए ।

‘नेपालमा हुने सबै भन्दा ठूलो प्रतियोगितामा स्वर्ण जित्न पाउनु मेरो लागि ठुलो सफलता हो,’ गोपीले भने, ‘मेरो अबको लक्ष्य भनेको ओलम्पिक नै हो । स्वर्णका लागि नै आफु प्रतिस्प्रर्धामा गएको थिए’ ।