पोखरा । नवौं राष्ट्रिय खेलकुद अन्तर्गत एथलेटिक्सको ५ हजार मिटर पुरुष दौडमा एपीएफ क्लबका गोपीचन्द्र पार्कीले स्वर्ण पदक जितेका छन् ।
पोखरा रंगशालामा बिहीबार कर्णालीका दुर्गा बहादुर बुढालाई पछि पार्दै गोपीले स्वर्ण पदक जितेका हुन् ।
गोपीले १४ मिनेट २९.६७ सेकेन्डमा दौड पूरा गरे ।
नवौंमा गोपीको यो पहिलो स्वर्ण पदक हो ।
दुर्गाले १४ मिनेट २९.९३ सेकेन्डको समय निकाले ।
कास्य पदक जितेका आर्मीका मुकेश पालले १४ मिनेट ३६.६० सेकेन्डको समय निकाले ।
महिलातर्फ यस स्पर्धामा बागमती प्रदेशकी सन्तोषी श्रेष्ठले स्वर्ण पदक जितेकी थिइन् ।
