पोखरा । नवौं राष्ट्रिय खेलकुद अन्तर्गत एथलेटिक्सको डिस्कस थ्रोमा चित्र बहादुर वली र संगीता अधिकारीले स्वर्ण पदक जितेका छन् ।
पोखरा रंगशालामा सोमबार पुरुषतर्फ त्रिभुवन आर्मी क्लबमा चित्रले ३८.४८ मिटर थ्रो गर्दै स्वर्ण पदक जितेका हुन् ।
पुलिसका पुष्कल खड्का ३२.७५ मिटर थ्रो गर्दै रजत पदक जित्दा सुदूरपश्चिमका हेमन्त पालले ३१.१० मिटर थ्रो गर्दै कास्य पदक हात पारे ।
महिलातर्फ लुम्बिनी प्रदेशकी संगीताले ३५.१० मिटर थ्रो गर्दै स्वर्ण जितेकी हुन् ।
एपीएफकी जित कुमारी महतोले ३३.६० मिटर थ्रो गर्दै रजत र आर्मीकी मिलन बुढा मगरले ३२.३५ मिटर थ्रो गर्दै कास्य हात पारिन् ।
