पोखरा । नवौं राष्ट्रिय खेलकुद अन्तर्गत सफ्ट टेनिसमा पुरुष एकलमा प्रदेश एकका येकेश योन्जनले स्वर्ण पदक जितेका छन् ।
पोखरा रंगशाला स्थित टेनिस कोर्टमा सोमबार भएको फाइनलमा एपीएफका प्रदिप खड्कालाई ४-१ ले हराएर येकेशले स्वर्ण जितेका हुन् ।
पुरुष एकलमा बागमतीका निर्मल स्थापित र लुम्बिनीका सुरज चौधरीले कास्य पदक जितेका छन् ।
महिलातर्फ एपीएफकी समृद्धि महर्जनले स्वर्ण पदक जितेकी छिन् ।
फाइनलमा बागमती प्रदेशकी चन्द्र माया राईलाई ४-२ ले हराएर समृद्धिले स्वर्ण जितेकी हुन् ।
प्रदेश एककी श्रेया योञ्जन र बागमती प्रदेशकी स्वस्तीका विष्टले कास्य जितिन् ।
