पोखरा । नवौं राष्ट्रिय खेलकुद अन्तर्गत एथलेटिक्सको १५ सय मिटर पुरुषको स्वर्ण पदक आर्मी क्लबका मुकेश पालले जितेका छन् ।
पोखरा रंगशालामा शनिबार भएको दौडमा ३ मिनेट ५१.२१ सेकेन्डको समय निकाल्दै मुकेशले स्वर्ण जितेका हुन् ।
पुरुषतर्फ एपीएफका अजित यादबले ३ मिनेट ५३.११ सेकेन्डको समय निकाल्दै रजत जिते ।
कास्य विजेता पुलिसका नागेश्वर अहिरले ३ मिनेट ५६.५ सेकेन्डको समय निकाले ।
महिलातर्फ एपीएफकी फुलमती रानाले स्वर्ण जितिन् । फुलमतीले ४ मिनेट ३८.१९ सेकेन्डको समय निकालिन ।
आर्मीकी सरस्वती भट्टराईले ४ मिनेट ४१.०० सेकेन्डको समय निकाल्दै रजत र आर्मीकी रेखा लिम्बु ५ मिनेट ०३.८० सेकेन्डको समय निकाल्दै कास्य जितिन् ।
