काठमाडौं । भारतमा सम्पन्न एसियन मार्सल आर्ट्स गेम्समा नेपालले पाँच स्वर्णसहित कुल ७ पदक जितेको छ ।
नयाँ दिल्लीमा मंगलबार सम्पन्न प्रतियोगितामा नेपालका पाँच खेलाडीले स्वर्ण पदक जितेको नेपाली टोलीका मुख्य प्रशिक्षक दिनेश शर्माले जानकारी दिए । यस्तै शर्माले नेपालका एक खेलाडीले रजत र एकले कास्य पदक जितेको जानकारी दिए ।
पुरुषको सिनियर १८ देखि ३८ बर्ष उमेर समूहमा नेपालका तीन खेलाडीले स्वर्ण जितेका हुन् । ५५ केजी तौल समूहमा जनक राज गौतम, ६० केजीमा रोशन शर्मा र ७५ केजी तौल समूहमा बिशाल साहले स्वर्ण जिते ।
![Image may contain: 2 people, including Dinesh Sharma Humagain, people smiling, people standing](https://scontent.fktm8-1.fna.fbcdn.net/v/t1.0-9/46137533_2481162481909025_3400021812321452032_n.jpg?_nc_cat=105&_nc_ht=scontent.fktm8-1.fna&oh=0a868f3095a8ea2b7b34bb298cce8f66&oe=5C6DEB68)
यस्तै पुरुष ११ देखि १४ बर्ष उमेर समूहमा नेपालका दुई खेलाडी स्वर्ण जिते । ५० केजी तौल समूहका विकास बिक र ५५ केजी तौल समूहका विकास श्रेष्ठले स्वर्ण हात पारे । यस्तै ४५ केजीमा मिलन बिकले रजत जित्दा ६० केजीतर्फ कृष्ण रोकाले कास्य पदक जिते ।
पाँच स्वर्णसहित ७ पदक जितेको नेपाल प्रतियोगितामा टिम उपविजेता समेत बनेको छ । टिम च्याम्पियनको उपाधि भने भारतले हात पार्यो । यस्तै रुसले तेस्रो स्थान हासिल गर्यो ।
![Image may contain: 2 people, people standing](https://scontent.fktm8-1.fna.fbcdn.net/v/t1.0-9/46255843_2481162495242357_3120144687998959616_n.jpg?_nc_cat=107&_nc_ht=scontent.fktm8-1.fna&oh=dbf2c44382b8369fce306b4c7aa6cf1e&oe=5C89A8C1)
प्रतियोगितामा नेपाली टोलीका मुख्य प्रशिक्षक दिनेश शर्मा उकृष्ट प्रशिक्षक चुनिए । नेपाली टोलीको अर्का प्रशिक्षकमा अविशेक मल्ल रहेका थिए भने नेपालबाट निर्णायकमा खडक बहादुर गुरुङ रहेका थिए ।
प्रतियोगितामा आयोजक भारत,नेपाल, बंगलादेश, इटाली, रुससहित ८ राष्ट्रका खेलाडीहरुले प्रतिस्पर्धा गरेका थिए ।