काठमाडौं । नेपाल एथलेटिक्स संघको आयोजनामा सुरु ४४ औं राष्ट्रिय एथलेटिक्स प्रतियोगिता अन्तर्गत १५ सय मिटर दौडमा सन्तोषी श्रेष्ठ र मुकेश पालले स्वर्ण पदक जितेका छन् ।
त्रिपुरेश्वरस्थित दशरथ रंगशालामा शुक्रबार महिलातर्फ बागमती प्रदेशकी सन्तोषी र पुरुषमा त्रिभुवन आर्मी क्लबका मुकेशले स्वर्ण जितेका हुन् ।
सन्तोषीले निर्धारित दुरी ४ मिनेट ४२.८ सेकेण्डमा पूरा गरिन् । त्यस्तै आर्मी क्लबकी पूर्ण लक्ष्मी न्यौपाने ४ मिनेट ५८.२ सेकेण्डसहित रजत प्राप्त गरिन् । एपीएफकी आशा राउत ५ मिनेट ०५.९ सेकेण्डसहित कास्य पाइन् ।
आर्मीकी राधिका श्रेष्ठ चौंथो, कर्णालीकी विमला कार्की पाँचौं र सुदूरपश्चिमकी माया साउद छैटौं स्थानमा रहिन् ।
पुरुषतर्फ मुकेशले निर्धारित दुरी ३ मिनेट ५६.७ सेकेण्डमा पूरा गर्दै स्वर्ण जितेका हुन् । एपीएफका अजित यादवले ३ मिनेट ५८.८ सेकेण्डसहित रजत हात पारे । कास्य जितेका आर्मीका सुनिल सुनारले ४ मिनेट ०१.८ सेकेण्डको समय निकाले ।
पुरुषतर्फ पुलिसका नागेश्वर अहिर चौंथो, गण्डकीका दिनेश बोगटी पाँचौं र बागमतीका विकेश घिमिरे छैटौं स्थानमा रहे ।
पुरुष ४ सय मिटरमा आर्मीका सोम बहादुर कुमालले ४८.७९ सेकेण्डसहित स्वर्ण हात पारे । आर्मीकै प्रकाश दनुवारले ४९.९२ सेकेण्डसहित रजत र ५०.९० सेकेण्डसहित एपीएफका निरप्रताव महतोले कास्य पदक जितेका छन् ।
महिलातर्फ एपीएफकी रमिता कुमारी थारुले निर्धारित दुरी ५९.८९ सेकेण्डमा पूरा गर्दै स्वर्ण हात पारिन् ।
आर्मीकी निर्मला थापाले १ मिनेट १.०६ सेकेण्डसहित रजत जित्दा लुम्बिनी प्रदेशकी अरुणा रिजालले १ मिनेट १.९ सेकेण्डसहित कास्य पदक जितिन् ।
दुईदिने प्रतियोगितामा सात प्रदेश र तीन विभागीय टोली (आर्मी÷प्रहरी÷सशस्त्र) गरी १० टिमबाट २ सय ४० खेलाडीको सहभागि छन् ।
प्रतियोगितामा ३१ स्वर्णका लागि प्रतिस्पर्धा भईरहेको छ ।
