काठमाडौं । नेपाल एथलेटिक्स संघले चीनमा आयोजना हुने १९ औं एसियन गेम्सका लागि प्रारम्भिक चरणमा २० खेलाडी छनोट गरेको छ ।
दशरथ रंगशालामा भएको छनोट प्रतियोगिताबाट संघले २० खेलाडी छनोट गरेको हो । प्रारम्भिक चरणमा छनोट भएका खेलाडीलाई बन्द प्रशिक्षणमा राखिने संघले जनाएको छ ।
म्याराथनतर्फ कृष्ण बहादुर बस्नेत, खडक बहादुर खड्का, नरेन्द्र रावत,होमलाल श्रेष्ठ,पुष्पा भण्डारी, वृन्दा श्रेष्ठ र रेखा विष्ट छनोट भएका छन् ।
१० हजार र ५ हजार मिटरतर्फ गोपीचन्द्र पार्की, दिपक अधिकारी,सन्तोषी श्रेष्ठ, राजपुरा पछाई र फुलमती राना छनोट भएका छन् ।
५ हजार मिटरका लागि मुकेश पाल, गजेन्द्र राई र नागेश्वर अहिर छनोट भए ।
८ सय र १५ सय मिटरका लागि अजित यादव, सुनिल सुनुवार, सोमबहादुर कुमाल, तेज बहादुर कार्की र सन्जिब नेपाली रहेका छन् ।
एसियन गेम्स आगामी सेप्टेम्बर १० देखि २५ सम्म हुनेछ ।
एसियन गेम्समा नेपालले २३ खेलमा प्रतिस्पर्धा गर्नेछ ।
