एसियन गेम्सका लागि एथलेटिक्स छनोट बैशाख १५ र १६ गते

काठमाडौं । चीनमा आयोजना हुने १९ औं एसियन गेम्सका लागि एथलेटिक्स खेलको छनोट प्रतियोगिता बैशाख १५ र १६ गते हुने भएको छ ।

नेपाल एथलेटिक्स संघले आइतबार विज्ञप्ति निकाल्दै छनोट प्रतियोगिता बैशाख १५ र १६ गते हुने जनाएको छ ।

दशरथ रंगशालामा हुने छनोटमा महिला पुरुष म्याराथन,  पुरुषको ८ सय मिटर, १५ सय मिटर, महिला र पुरुषको ५ हजार मिटर र १० हजार मिटरको स्पर्धा राखिएको छ ।

संघले छनोटका लागि सहभागिता जनाउने खेलाडीको मापदण्ड समेत तोकेको छ ।

एसियन गेम्स आगामी सेप्टेम्बर १० देखि २५ सम्म हुनेछ ।

एसियन गेम्समा नेपालले २३ खेलमा प्रतिस्पर्धा गर्नेछ ।