काठमाडौं । चीनमा आयोजना हुने १९ औं एसियन गेम्सका लागि बक्सिङ खेलको छनोट प्रतियोगिता सरेको छ ।
नेपाल बक्सिङ संघले आइतबार विज्ञप्ति निकाल्दै छनोट प्रतियोगिता सरेको जनाएको छ ।
संघले अब छनोट प्रतियोगिता बैशाख १४ देखि १७ गतेसम्म सातदोबाटो ललितपुरमा हुनेछ ।
यस अघि छनोट प्रतियोगिता बैशाख १२ देखि १५ गतेसम्म हुने तालिका रहेको थियो ।
एसियन गेम्स आगामी सेप्टेम्बर १० देखि २५ सम्म हुनेछ ।
एसियन गेम्समा नेपालले २३ खेलमा प्रतिस्पर्धा गर्नेछ ।
