काठमाडौं । टाइसन फ्यरीले शनिबार डब्लूबीसी हेभिवेटको उपाधि रक्षा गरेका छन् ।
यसका लागि उनले दुई बेलायती मुक्केबाजबीच वेम्बलीमा भएको भिडन्तमा डिलन वेथलाई छैटौं चरणमा पराजित गरे । भिडन्त जिते लगतै उनले सन्यास लिने संकेत पनि गरे ।
स्वघोषित ‘जिप्सी किंग’ ले बेलायती भूमिमा चार वर्षयता पहिलो पल्ट खेलेका थिए र यो भिडन्त हेर्न लन्डनको वेम्बलीमा कीर्तिमान ९४ हजार दर्शकको उपस्थिति थियो । यो बक्सिङ इतिहासमा दोस्रो विश्वयुद्ध पछि कीर्तिमान हो ।
![](https://i.dailymail.co.uk/1s/2022/04/23/23/56970215-10747187-image-a-12_1650753029788.jpg)
अहिलेसम्म अपराजित ३३ वर्षीय फ्यरीले छैटौं चरणमा ह्वाइटलाई नकआउट गरे । उनी अहिलेसम्म खेलेका ३३ खेलमा अपराजित रहेर उत्कृष्ट प्रदर्शन गर्न सफल रहेका छन् ।
सन्यासको संकेत गरेको हुनाले फ्यरीले सबै हेभिवेट उपाधि एकै जनाले जितेको कीर्तिमान भने बराबरी गर्न सक्ने छैनन् । सन् १९९९ मा अन्तिम पटक लेनेक्स लेविसले हेभिवेट बक्सिङ सबै सबै उपाधि जितेका थिए ।
–एएफपीको सहयोगमा ।