काठमाडौं । गणेशमान सिंहको स्मृतिमा आयोजना हुने रोड रेसको तेस्रो संस्करण वैशाखमा हुने भएको छ ।
वैशाख १७ मा वीर गणेशमान सिंह स्पोर्ट्स कमिटिको आयोजनामा रोड रेस हुने भएको हो ।
रोड रेसमा दुई स्पर्धामा प्रतिस्पर्धा हुनेछ । १० किमी रेस र ५ किमी रेसको स्पर्धा रहेको छ ।
१० किमी दौडमा महिला तथा पुरुषतर्फका विजेताले ६० हजार पुरस्कार प्राप्त गर्ने छन् । रेसमा दोस्रो हुनेले ३० हजार, तेस्रो हुनेले १५ हजार, चौंथो हुनेले १० हजार र पाँचौं हुनेले ५ हजार प्राप्त हुने छन् ।
रेस दरबारमार्गबाट सुरु भएर महेन्द्र शालिक, रत्नपार्क, भद्रकाली, शहीदगेट, वीर अस्पताल. भोटाहिटी, जमल, राजदरबार दक्षिण गेट, केशरमहल, लैनचौर, लाजिम्पाट, महाराजगञ्ज, शिवपुरी स्कुल, बालुवाटार, भाटभटेनी, टंगाल, बाल मन्दिर, पुलिस हेडक्वार्टर, दक्षिण गेट, गैरीधारा, राजदरबार उत्तरपूर्व मोड, नाग पोखरी, जा नेपाल सिनेमा घर हुँदै पुन: दरबारमार्ग पुगेर सम्पन्न हुने छ ।
यस संस्करणमा पुरुष र महिला दुवै तर्फ ५ किमी दौड थप गरिएको छ ।
५ किमी दौडको महिला तथा पुरुष विजेता दुवैले १५ हजार प्राप्त गर्ने छन् । दोस्रो हुनेले १०, तेस्रोले ७, चौंथोले ५ र पाँचौं हुनेले ३ हजार प्राप्त गर्ने छन् । प्रतियोगितामा छैठौं देखि १० औं हुने खेलाडीले गिफ्ट ह्याम्पर प्राप्त गर्ने छन् ।
प्रतियोगितामा नेपालका उत्कृष्ट खेलाडी देखि उदयमान खेलाडी देखि विदेशी खेलाडीको समेत सहभागिता रहने आयोजकले बताएको छ ।
प्रतियोगितामा रेकर्ड कायम गर्ने खेलाडीले १० हजार प्राप्त गर्ने समेत आयोजकले जानकारी गराएको छ ।
