ब्याटिङमा जम्दै नेपाल

काठमाडौं । त्रिकोणात्मक टी-ट्वान्टी सिरिजको अन्तिम खेलमा नेपालले मलेसियाविरुद्ध पहिले ब्याटिङ पहिले ब्याटिङ गर्दै छ ।

टस जितेर मलेसियाले पहिले बलिङ रोजेपछि नेपालले ब्याटिङ गर्दै छ । कीर्तिपुरस्थित त्रिवि क्रिकेट मैदानमा नेपालले ब्याटिङमा राम्रो सुरुवात गरेको छ ।

नेपालले १० ओभर नपुग्दै १ सय रन पूरा गरेको छ । जारी खेलमा नेपालले १० ओभरको समाप्तिमा २ विकेट गुमाएर १ सय १ रन बनाएर खेल्दै छ । नेपालको लागि दिपेन्द्र सिंह ऐरीले २५ र पौडेलले ३८ रन बनाएर खेल्दै छन् ।

दिपेन्द्रले १९ बलमा ४ चौका रहार गरे । रोहितले २४ बलमा ५ चौका प्रहार गरे । खेलमा नेपालले दुवै ओपनर गुमाएको छ । कुशल भुर्तेल २ चौकाको मद्दतमा १२ रनमा आउट हुँदा आसिफ शेखले ३ चौका प्रहार गर्दै १८ रन बनाएर पेभिलियन फर्किए ।

नेपाल सिरिजको फाइनल पुगिसकेको छ ।

अघिल्लो ३ खेलमा ३ जित हात पार्दै नेपाल फाइनल पुगेको हो । मलेसिया भने ३ खेलमा १ जित निकाल्दा फाइनलको लागि संघर्षरत छ । मलेसियालाई फाइनल पुग्न आजको खेल जित्नुको विकल्प छैन ।