पीएनजीलाई मलेसियाको १ सय ९७ को लक्ष्य  

काठमाडौं । त्रिकोणात्मक टी-ट्वान्टी सिरिजमा मलेसियाले पपुवा न्युगिनी (पीएनजी) लाई १ सय ९७ रनको लक्ष्य प्रस्तुत गरेको छ ।

टस हारेर पहिले ब्याटिङ गरेको मलेसियाले निर्धारित २० ओभरमा ६ विकेट गुमाएर १ सय ९६ रन बनायो ।

मलेसियाका सेइद अजिजले सर्वाधिक ६४ रनको अर्धशतकीय इनिङ खेले । उनले ३५ बलमा ८ चौका र ३ छक्का प्रहार गर्दै ६४ रन बनाए । यस्तै कप्तान अहमद फाजीले ४३ बलमा ५ चौका र ३ छक्का प्रहार गर्दै ६४ रन बनाए । 

जुबईदी जुल्किल्फेले ४६ रन, भिरनदीप सिंहले १० रन जोड्दा मुहमद अमिर ८ रनमा आउट भए ।

पीएनजीका काबुअ मोरेअले ४ विकेट हात पारे । यस्तै चाड सोपर र रिले हेकुरेले समान १/१ विकेट लिए ।

पीएनजीलाई फाइनल पुग्न आजको खेल निकै महत्पूर्ण रहेको छ । यसअघि ३ खेलमा ३ पराजय भोगेको पीएनजी फाइनल स्थानका लागि ठुलो जितको बिकल्प छैन । मलेसियाले २ खेलमा १ जित र १ हार ब्यहोरेको छ । मलेसियाले आजको खेलमा जित निकाले फाइनलमा नेपालसँग भिड्ने पक्का हुने छ । 

यसअघि नेपाल ३ खेलमा ३ जित निकाल्दै एक खेल आगावै फाइनल मा स्थान सुरक्षित गरेको छ ।