सन्दीप 'द हन्ड्रेड' को ड्राफ्टमा

काठमाडौं । नेपालका कप्तान तथा लेग स्पिनर सन्दीप लामिछाने इंग्ल्यान्डको द हन्ड्रेड क्रिकेटको ड्राफ्टमा परेका छन् ।

द हन्ड्रेडले बिहीबार सार्वजनिक गरेको ड्राफ्ट लिस्टमा नेपालका सन्दीपले स्थान पाएका हुन् । ड्राफ्टमा अटाउने सन्दीप एक्लो नेपाली खेलाडी हुन् ।

ड्राफ्टमा २ सय ८४ विदेशी खेलाडीले नाम दर्ता गरेका छन् । सन्दीप द हन्ड्रेडमा करिब ८१ लाख नेपाली रुपैयामा ड्राफ्टमा परेका हुन् ।

१७ स्लटमा खेलाडीलाई मूल्य अनुसार छुट्याइएको छ । ड्राफ्ट अप्रिल ४ मा हुनेछ ।

यसअघि सन्दीपले भिसाको समस्या परेपछि द हन्ड्रेड गुमाउनु परेको थियो ।