काठमाडौं । सन् २०१४ को आईसीसी टी–ट्वान्टी विश्वकप क्रिकेटबाट नेपालले टी–ट्वान्टी अन्तर्राष्ट्रियको मान्यता पायो । पहिलो टी–ट्वान्टी अन्तर्राष्ट्रिय खेल नेपालले सो प्रतियोगितामा हङकङविरुद्ध खेल्यो । पहिलो टी–ट्वान्टी अन्तर्राष्ट्रियमानै नेपालले जित निकाल्न सफल भयो, त्यो पनि विश्वकपमा । नेपालले हङकङलाई पराजित गर्दै प्रतियोगिता तथा टी–ट्वान्टी अन्तर्राष्ट्रियमा सुखद सुरुवात गर्यो ।
नेपालले सन् २०१४ को विश्वकपमा पाएको टी–ट्वान्टी अन्तर्राष्ट्रियको मान्यता सन् २०१५ को टी–ट्वान्टी विश्वकपमा छनोट हुन नसक्दा गुमाउन पुग्यो । सन् २०१८ मा नेपालले पहिलो पटक एकदिवसीय अन्तर्राष्ट्रियको मान्यता पाउँदा स्वत टी–ट्वान्टी अन्तर्राष्ट्रियको समेत मान्यता पायो । त्यसको एक महिनामा अन्तर्राष्ट्रिय क्रिकेट परिषद (आईसीसी)ले सबै राष्ट्रलाई टी–ट्वान्टी अन्तर्राष्ट्रियको मान्यता दियो ।
टी–ट्वान्टी अन्तर्राष्ट्रियको मान्यता पाएपछि नेपालले हालसम्म ४९ टी–ट्वान्टी अन्तर्राष्ट्रिय क्रिकेट खेलेको छ । सन् २०१४ देखि सन् २०१५ सम्म टी–ट्वान्टी अन्तर्राष्ट्रिय मान्यता पाएको बेला नेपालले ११ वटा टी–ट्वान्टी अन्तर्राष्ट्रिय खेल खेल्यो । जसमा नेपालले मात्र ३ खेलमा जित निकाल्न सफल भयो भने बाँकी ८ खेलमा नेपालले पराजय भोग्नु पर्यो ।
सन् २०१५ मा टी–ट्वान्टी अन्तर्राष्ट्रियको मान्यता गुमाएपछि नेपालले सन् २०१८ सम्म टी–ट्वान्टी अन्तर्राष्ट्रिय क्रिकेट खेल्न पाएन । सन् २०१८ मा एकदिवसीय अन्तर्राष्ट्रिय पाएपछि पुनः टी–ट्वान्टी अन्तर्राष्ट्रिय क्रिकेट खेल्न सुरु गर्यो ।
त्यसयता नेपालले नियमित टी–ट्वान्टी अन्तर्राष्ट्रिय क्रिकेट खेल्दै आएको छ । टी–ट्वान्टी अन्तर्राष्ट्रिय नेपाल अहिले ५० औं टी–ट्वान्टी अन्तर्राष्ट्रिय क्रिकेटको संघारमा छ । टी–ट्वान्टी अन्तर्राष्ट्रिय मान्यता पाएको आठ वर्षपछि नेपालले आफ्नो ५० औं टी–ट्वान्टी अन्तर्राष्ट्रिय क्रिकेट खेल्न लागेको हो ।
नेपाल अहिले घरेलु भूमिमा त्रिदेशीय टी–ट्वान्टी अन्तर्राष्ट्रिय सिरिजमा व्यस्त छ । बिहिबार नेपालले सिरिजको आफ्नो तेस्रो खेल खेल्दा नेपालको ५० औं टी–ट्वान्टी अन्तर्राष्ट्रिय खेल हुने छ । नेपालले आफ्नो ५० औं टी–ट्वान्टी अन्तर्राष्ट्रिय खेल पपुवा न्युगिनीसँग खेल्ने छ ।
नेपालले खेलेको हालसम्मको ४९ टी–ट्वान्टी अन्तर्राष्ट्रिय क्रिकेटमा २७ खेलमा जित निकालेको छ, २१ खेलमा पराजित र एक खेल नतिजा विहिन भएको छ ।
नेपालले टी–ट्वान्टी अन्तर्राष्ट्रियमा सबैभन्दा धेरै नेदरल्याण्डसँग ९ पटक खेलेको छ । जसमा नेपालले ४ पटक नेदरल्याण्डलाई पराजित गरेको छ भने १ खेल नतिजा बिहिन भएको छ ।
नेपालले टी–ट्वान्टी अन्तर्राष्ट्रियको एकै इनिङमा सर्वाधिक रन नेदरल्याण्डविरुद्ध बनाएको छ । सन् २०२१ मा ३ विकेट गुमाएर २ सय ३८ रन बनाएको नेपालको टी–ट्वान्टी अन्तर्राष्ट्रियमा सर्वाधिक स्कोर हो । यस्तै नेपालले सन् २०१५ मा आयरल्याण्डविरुद्ध ५३ रनमा अलअउट हुँदा टी–ट्वान्टी अन्तर्राष्ट्रियमा बनेको नेपालको हालसम्मको सर्वाधिक कम स्कोर हो ।
सन् २०२१ मा नेपालले नेदरल्याण्डलाई १ सय ४२ रनले पराजित गरेको नतिजा टी–ट्वान्टी अन्तर्राष्ट्रियमा सर्वाधिक फराकिलो रनले पराजित गरेको नतिजा हो । यस्तै नेपालले ५ पटक ९ विकेटको फराकिली जित निकालेको छ ।
नेपालका लागि टी–ट्वान्टी अन्तर्राष्ट्रियमा सर्वाधिक रन बनाउने खेलाडी दिपेन्द्र सिंह ऐरी हुन् । उनले ३१ इनिङमा ३ अर्धशतक प्रहार गर्दौ टी–ट्वान्टी अन्तर्राष्ट्रियमा ८ सय ३ रन बनाएका छन् । यस्तै सन्दीप लामिछाने टी–ट्वान्टी अन्तर्राष्ट्रियमा सर्वाधिक विकेट लिने नेपाली खेलाडी हुन् । सन्दीपले टी–ट्वान्टी अन्तर्राष्ट्रियको ३५ इनिङमा ६७ विकेट लिएका छन् ।
नेपालले १० पटक घरेलु मैदानमा टी–ट्वान्टी अन्तर्राष्ट्रिय क्रिकेट खेलेको छ । नेपालले घरेलु भूमिमा १० खेल खेल्दा ९ खेलमा विजयी भएको छ भने १ खेलमा मात्र पराजित भएको छ ।
नेपालको लागि टी-ट्वान्टी अन्तर्राष्ट्रियका पहिलो :
खेल : सन् २०१४ मार्च १६
विपक्षि : हङकङ
प्रतियोगिता : आईसीसी विश्व टी-ट्वान्टी
कप्तान : पारस खड्का
रन : सुवास खकुरेल
चौका : सुवास खकुरेल
छक्का : ज्ञानेन्द्र मल्ल
ओभर : पारस खड्का
विकेट : पारस खड्का
क्याच : सुवास खकुरेल
अर्धशतक : सुवास खकुरेल
शतक : पारस खड्का
म्यान अफ द म्याच : शक्ति गौचन
-1738336709.jpeg)
-1737729169.jpeg)
