मलेसियाको टिम नेपाल आइपुग्यो 

काठमाडौं । त्रिकोणात्मक टी-ट्वान्टी सिरिज खेल्न मलेसियाको क्रिकेट टिम नेपाल आईपुगेको छ । सोमबारबाट सुरुहुने सिरिजको लागि मलेसिया टोली आइतबार बेलुका नेपाल आईपुगेको हो ।   

कीर्तिपुरस्थित त्रिवि क्रिकेट मैदानमा नेपालले मलेसिया र पीएनजीलाई सिरिजमा आतिथ्यता गर्नेछ । 

सिरिजको पहिलो खेलमा नेपाल र पीएनजी खेल्ने छन् । डबल राउण्ड रोबिनको आधारमा हुने सिरिजको शिर्ष दुई टोलीले फाइनल खेल्ने छन् ।

मलेसियाले आफ्नो पहिलो खेल मंगलबार पीएनजीसँग खेल्ने छ । 

खेल दिउँसोको १२:३० बाट सुरु हुनेछ ।