काठमाडौं । घरेलु भूमिमा पपुवा न्युगिनी (पीएनजी ) विरुद्धको एकदिवसीय अन्तर्राष्ट्रिय सिरिज २-० ले गुमाएपछी नेपालका कप्तान सन्दीप लामिछानेले बलिङ पक्षको जिम्मेवारी आफुले लिने बताएका छन् ।
शनिबार दोस्रो एकदिवसीयमा पाहुना टोली पीएनजीसँग ३ विकेटले पराजित भएपछी कप्तान सन्दीपले बलिङ पक्षको कमजोरीको जिम्मा आफुले लिने बताएका हुन् ।
पीएनजीका खेलाडीको साझेदारी तोड्न नसक्नुको कारण खेलमा पराजित हुनु परेको सन्दीपको बुझाई छ । मुख्य बलर गुलसन झाले चोट बोक्नुले समेत खेलमा असर गरेको सन्दीपले बताए ।
'गुलसनको चोटले हामीलाई पछि धकेल्यो । गुलसनले चोट बोकेपछि प्लाननै तलमाथि भयो । मैले २ ओभर फालिसकेपछि फ्रन्ट लाइन बलरले चोट बोके, त्यसपछि मेरो ओभर छोट्टियो,' सन्दीपले खेलपछि भने, 'खेलमा पहिल्यै एक बलर कम लिएर खेलेको अवस्थामा गुलसनको ९ ओभर बाँकी भयो । यस्तो हुँदा पक्कै पनि टिमलाई नोक्सान गर्छ।'
खेलको १३ औं ओभरमा पिडुलाको मासु फर्किएपछि गुलसन मैदानबाट बाहिरिएका थिए । चोट बोक्नु अघि उनले १ मात्र ओभर बलिङ गरेका थिए । गुलसनले चोट बोकेपछि उनको बाँकी ९ ओभर नेपाललाई सक्काउन कठिन हुने देखिएको थियो ।
'सबै खेलाडी तयार थिए र हामी पनि गर्न सक्छौं, आत्तिनु पर्दैन हामीलाई विश्वास गर भन्ने चरित्र सबैमा थियो,' गुलसनको बाँकी ओभर सक्काउन अन्य पार्टटाइम बलरले देखाएका चरित्रबारे सन्दीप भन्छन्, 'तर अन्तिममा रेगुलर इन्टरभलमा विकेट लिन नसक्नु,विपक्षिको साझेदारी बन्नु, मैले समेत साझेदारी तोड्न नसक्नु, मलाइ लाग्छ बलिङ साइडको ब्लेम म लिन्छु ।'
खेलको दोस्रो इनिङमा नेपालले उत्कृष्ट सुरुवात गरेको थियो । सोमपालले आफ्नो पहिलो तथा नेपालको लागि दोस्रो ओभरमा २ विकेट निकालेपछि नेपालले सानदार सुरुवात गरेको थियो । तर तेस्रो विकेटका लागि लेगा सिएका र चार्ल्स अमिनीले १० ओभरमा ६९ रनको साझेदारी र चौथो विकेटका लागि लेगा सिएका र सेसे बाउले १ सय १० रनको शतकीय साझेदारी गरेपछि नेपालले खेल हातबाट फुत्काएको थियो ।
बलिङमा नेपालका सोमपाल कामीले ३ तथा पवन सरार्फले २ विकेट हात पारे । सन्दीपले १ विकेट लिए । बलरको कमि भएको खेलमा नेपालका भिम शार्की र कुशल भुर्तेलले समेत १/१ ओभर बलिङ गरेका थिए ।
शुक्रबार भएको पहिलो खेलमा पीएनजीले नेपाललाई ६ रनले पराजित गर्दै सिरिजमा अग्रता लिएको थियो । दोस्रो तथा अन्तिम खेलमा समेत पराजित हुँदा घरेलु भूमिमा नेपालले सिरिज गुमाएको छ ।
-1738336709.jpeg)
-1737729169.jpeg)
