काठमाडौं । दोस्रो एकदिवसीय अन्तराष्ट्रिय क्रिकेटमा पाहुना टोली पपुवा न्युगिनी (पीएनजी) विरुद्ध नेपालले सुरुआतमा ब्याटिङ गर्ने भएको छ ।
कीर्तिपुरस्थित त्रिवी क्रिकेट मैदानमा नेपालले टस जितेर पहिले ब्याटिङ रोजेको छ । र, पीएनजीलाई सुरुआतमा बलिङ निम्तो दिएको छ ।
सन्दीप लामिछानेको कप्तानीमा रहेको नेपाल आज पीएनजीलाई हराउँदै सिरिज जोगाउन चाहन्छ । पीएनजी भने नेपाललाई हराएर सिरिज कब्जा गर्ने तयारीमा छ ।
दुई खेलको एकदिवसीय सिरिजमा शुक्रबार पीएनजीले घरेलु टोली नेपाललाई ६ रनले पराजित गर्दै सिरिजमा १-० को अग्रता लिएको थियो ।
एकदिवसीय अन्तराष्ट्रिय सिरिज लगत्तै पीएनजी र नेपालले मलेसियासँग त्रिदेशीय टी-ट्वान्टी सिरिज खेल्ने छ ।
युएईमा सम्पन्न आईसीसी क्रिकेट विश्वकप लिग टु अन्तर्गतको त्रिकोणात्मक एकदिवसीय सिरिज खेलेर पीएनजी नेपाल आएको हो ।
उक्त सिरिजमा नेपालले दुबै खेलमा पीएनजीलाई हराएको थियो । पहिलो खेलमा नेपालले पीएनजीलाई २ विकेट तथा दोस्रो खेलमा ७ विकेटले हराएको थियो ।
-1737729169.jpeg)
