पुष्पा भण्डारीलाई ‘पर्फमर अफ दि इयर’ अवार्ड 

काठमाडौं । एनएसजेएफ पल्सर स्पोर्ट्स अवार्ड अन्तर्गत धाविका पुष्पा भण्डारीले ‘पर्फमर अफ दि इयर’ अवार्ड हात पारेकी छन् । 

गतवर्ष पुष २६ गते बंगलादेशको ढाकामा सम्पन्न बंगबन्धु शेख मुजिव ढाका म्याराथनमा पुष्पाले स्वर्ण पदक जितिन् ।

पुष्पाले स्वर्ण हात पार्दा दुई भारतीय प्रतिस्पर्धीलाई पछि पारेकी थिईन् ।

उनले २ घण्टा ५९ मिनेट ४१ सेकेन्डमा उक्त दौड पूरा गरिन् । 

१३ औं दक्षिण एसियाली खेलकुद प्रतियोगितामा म्याराथनमा रजत पदक जित्नु पुष्षाको खेल जीवनको महत्वपूर्ण उपलब्धि थियो ।

ढाका म्याराथनको स्वर्णले भने उनलाई चर्चामा ल्याएको थियो । 

धनगढीमा २०६८ सालमा सम्पन्न छैटौं राष्ट्रिय खेलकुदमा पुष्पाले म्याराथनतर्फ रजत पदक हात पारेकी थिईन् ।

२०६९ सालमा लुम्विनी च्याम्पियनसिपमा म्याराथनमा स्वर्ण जितेपछि पुष्पा नेपाल एपीएफ क्लबमा आवद्ध भइन् ।