वाट्सन दिल्लीको सहायक प्रशिक्षक

काठमाडौं । यस सिजनको इन्डियन प्रिमियर लिग (आईपीएल) का लागि दिल्ली क्यापिटल्सले अष्ट्रेलियाका अलराउन्डर शेन वाट्सनलाई सहायक प्रशिक्षक नियुक्त गरेको छ । 

दिल्लीले मंगलबार ४० वर्षीय वाट्सनलाई सहायक प्रशिक्षक नियुक्त गरिएको जनाएको हो ।

दिल्लीमा अष्ट्रेलियाकै पूर्व क्रिकेटर रिक्की पोंटिङ मुख्य प्रशिक्षक रहेका छन् भने प्रविण अमरे र अजित अगरकर सहायक प्रशिक्षक तथा जेम्स होप बलिङ प्रशिक्षक रहेका छन् ।

वाट्सनले राजस्थान रोयल्स, रोयल च्यालेन्जर्स बैंगलोर र चेन्नई सुपर किंग्सका लागि आईपीएल खेलेका छन् । 

उनले राजस्थानका लागि २००८ तथा चेन्नईका लागि २०१८ मा उपाधि जितेका थिए । 

वाट्सनले आईपीएलमा ३ हजार ८ सय ७५ रन तथा ९२ विकेट लिएका छन् ।

अष्ट्रेलियाले सन् २००७ र २०१५ मा एकदिवसिय विश्वकपको उपाधि जित्दा वाट्सन महत्वपूर्ण सदस्य रहेका थिए । 

उनले अष्ट्रेलियाका लागि १ सय ९० एकदिवसिय तथा ५८ टी–ट्वान्टी खेल्दै ७ हजार रन जो्दा २ सय विकेट लिएका थिए ।