काठमाडौं । छैठौं झिल्टुङ्ग क्रशकन्ट्री दौड–२०७८ मा नेपाल एपीएफ क्लबका राजेन्द्र तामाङ र धरानकी निकी नेवान्ग लिम्बु प्रथम भएका छन् ।
पुरुषको १३.५ किलोमिटर दौडमा राजेन्द्र प्रथम हुदा राम्जी बस्नेत दोस्रो तथा भिम बहादुर गुरुङ तेस्रो भए ।
महिलातर्फ नितु तामाङ दोस्रो तथा छोकी शेर्पा तेस्रो भए ।
१३.५ किमी स्थानिय पुरुषतर्फ सुजन श्रेष्ठ प्रथम, बिमल थापा मगर दोस्रो र राजीव नेपाल तेस्रो भए ।
४.५ किमी छात्र जुनियर खुल्लामा बिश्वराम प्रथम, अशोक बोराम दोश्रो र सुमन शेर्पा लिम्बु तेस्रो भए भने छात्रातर्फ सरस्वती बोहोरा प्रथम, मनिषा गिरी दोस्रो र गोमा बुढामगर तेस्रो भए ।
स्थानिय ४.५ कि मि छात्र तर्फ पवन राई प्रथम, सुमन श्रेष्ठ दोस्रो र असल थापामगर तेस्रो भएका छन भने छात्रामा सपना श्रेष्ठ,अस्मिता दुलाल र पिस्कीला दुलाल क्रमश पहिलो, दोस्रो र तेस्रो भएका छन् ।
स्थानिय पुरुष ४५ बर्षमाथिको दौडमा राजेन्द्र प्रसाद नेपाल प्रथम, मिठु नेपाल दोस्रो र बिष्णु बहादुर श्रेष्ठ तेस्रो स्थानमा रहदै दौड पुरा गरे ।
४.५ किमी आमा समूहमा कमला श्रेष्ठ पहिलो, सन्तुमाया श्रेष्ठ दोस्रो र बिमला श्रेष्ठ तेस्रो भए ।
खुल्ला भेट्रान १३.५ किमी दौड किर्तीपुरका धर्म महर्जनले जिते । दोस्रोमा रेवत बहादुर दाहाल र तेस्रो स्थान भिम बहादुर गुरुङ प्राप्त गरे ।
शनिबार बेलकोटगढी नगरपालिका–५, कोल्पुटारमा भएको उक्त क्रशकन्ट्री दौड़ प्रतियोगितामा महिला र पुरुष सहित ३ सय ८० जनाको सहभागिता रहेको थियो ।
दौडलाई एथलेटिक्स परिवार, नेपालले प्राविधिक सहयोग गरेको थियो ।
