नेपालले श्रीलंकाको पूर्व राष्ट्रिय खेलाडी सम्मलित टिमसँग खेल्ने 

एजेन्सी । नेपाल आईसीसी विश्कप लिग दूईको तयारीका लागि श्रीलंका भ्रमणमा रहेको छ ।

भ्रमणमा नेपाली राष्ट्रिय क्रिकेट टिमले श्रीलंकाको प्रथम श्रेणीको टिमसँग अभ्यास खेल खेल्दै छ ।

नेपालले श्रीलंकामा चार अभ्यास खेल खेल्ने तालिका छ । 

दूई खेल श्रीलंका नेभी र एक खेल श्रीलंका पुलिससंग खेलेको नेपालले अन्तिम अभ्यास खेल श्रीलंकाको मिश्रित खेलाडी टिमसँग  खेल्ने तालिका छ ।

अन्तिम अभ्यास खेलमा नेपालले श्रीलंकाका पूर्व राष्ट्रिय खेलाडीहरु सम्मिलित टिमसँग मैत्रीपूर्ण खेल खेल्ने भएको छ ।

अन्तिम अभ्यास खेलमा श्रीलंकाको पूर्व राष्ट्रिय खेलाडी सम्मिलित टिमसँग खेल्न लागेको श्रीलंकाको चर्चित द पेपर डट कमले जनाएको छ । 

शुक्रबार हुने खेलमा श्रीलंका मिश्रित टिममा पुर्व क्रिकेटर धमीका प्रशाद, सेकुगे प्रसन्ना, दिलरुवान परेरा, थिसरा परेरा, दिल्सान मुनावेरा, सन्दुन विरक्कोडे र उपल थरंगा रहने पेपरले जनाएको छ ।  

श्रीलंकामा अभ्यास खेल सकिएपछि नेपाली टोली श्रीलंकाबाटै मार्च १४ मा युएई प्रस्थान गर्ने छन् ।

नेपालले लिग दुई अन्तर्गतको आफ्नो तेस्रो सिरिजमा युएई र पपुवा न्यू गिनी (पीएनजी) विरुद्ध खेल्नेछ ।