काठमाडौं । बंगलादेश क्रिकेट बोर्डले अलराउण्डर शकिब अल हसनलाई आगामी अप्रिल अन्तिमसम्मका लागि विश्राम दिएको छ ।
बिसिबीका क्रिकेट अप्रेसन प्रमुख जलाल युनुसले अप्रिल ३० सम्म शकिबलाई विश्राम दिइएको जनाएको छ ।
शकिब दक्षिण अफ्रीका भ्रमणका लागि टिममा परेका थिए । तर, शकिबले मानसिक र शारीरिक कारण देखाएर सबैखाले क्रिकेटमा विश्राम मागेका थिए ।
बंगलादेशले दक्षिण अफ्रीकासँग तीन खेलको एकदिवसीय र दुई टेस्ट सिरिज खेल्ने तालिका रहेको छ ।
