क्यान्सर रोगको उपचार गराईरहेका बक्सिङका पुर्व राष्ट्रिय तथा अन्तर्राष्ट्रिय रेफ्री मन्जु जंग थापालाई बेलायतमा रहेका पुर्व बक्सिङ खेलाडीहरुले आर्थिक सहयोग गरेका छन् ।
बेलायतमा रहेका पुर्व राष्ट्रिय तथा अन्तर्राष्ट्रिय बक्सिङ खेलाडीहरुले क्यान्सर पिडित रेफ्री थापालाई १ लाख ३ हजार ४ सय रुपैया आर्थिक सहयोग गरेको हो । नेपाल राष्ट्रिय तथा अन्तर्राष्ट्रिय खेलाडी संघमार्फत उक्त आर्थिक रकम सहयोग आएको हो । उक्त आर्थिक सहयोग नेपाल बक्सिङ संघको रोहबरमा सोमबार रेफ्री थापालाई हस्तान्तरण गरिएको छ । संघका अध्यक्ष राम अवाले, उपाध्यक्ष अर्जुन बहादुर केसी, खेलाडी संघका उपाध्यक्ष दिपक थापा लगायतले रेफ्री थापालाई सहयोग रकम हस्तान्तरण गरेका थिए ।
पुर्व खेलाडी सिदार्थ बिक्रम क्षेत्रिको अगुवाईमा बेलायतमा रहेका खेलाडीहरुले रेफ्री थापालाई सहयोग गरेका हुन् । रेफ्री थापालाई बिना गुरुङ, मिनु बस्नेत, सिदार्थ बिक्रम क्षेत्रि, सुरज कार्की, विरेन खड्का, कुस बस्नेत, राजन खकुरेल, झपट भुजेल,जीवन सेन, दिपक श्रेष्ठ र ह्यारी गुरुङले आर्थिक सहयोग गरेका थिए ।
यस्तै कार्यकममा पुर्व खेलाडी एपीएफ क्लबका पूर्ण लामाले १० तथा राष्ट्रिय तथा अन्तर्राष्ट्रिय खेलाडी संघका उपाध्यक्ष दिपक थापाले व्यक्तिगत पाँच हजार आर्थिक सहयोग गरेका थिए । त्यसबाहेक संघका पुर्व सदस्य तथा गायक योगेश्वर अमात्यले ५० हजार, पुर्व अध्यक्ष राजिब श्रेष्ठले १५ हजार रकम सहयोग उपलब्ध गराएको समेत संघले जनाएको छ ।
पछिल्लो दुई बर्षबाट फोक्सोको क्यान्सरबाट पिडित रेफ्री थापाले भक्तपुर क्यान्सर हस्पिटलमा उपचार गराईरेहेका छन् । सन् १९८८ बाट रेफ्रीको भूमिकामा देखिएका पुर्व खेलाडी समेत रहेका थापाले क्यान्सरकै कारण पछिल्लो दुईबर्षबाट रेफ्री गर्न छाडेका थिए । ६७ बर्षीय थापाले नेपालमा राष्ट्रिय स्तरको खेलहरु खेलेका थिए ।
